لەگەڵ یەکەم هەڵوەرینی گەڵای پایزدا
چون لەو کاتەدا پێکەوە سەیری هەڵوەرینی گەڵاکانمان دەکرد
کاتێک ماڵئاواییان لە ژیان دەکرد....

بیرم کردی.....

لەگەڵ یەکەم داباراندنی بارانی زستاندا
چون لەو ساتەدا پێکەوە لە ژێر چەتری خۆشەویستیدا
سەیری دڵۆپەکانی بارانمان دەکرد
کاتێک ئاسودەییان بۆ زەوی دەهێنا ....

بیرم کردی .....

لەگەڵ یەکەم دەرکەوتنی گوڵی سوری بەهاردا
چون لەو ساتەدا پێکەوە لە باخی شاردا
سەیری جوانترین گوڵی ناو باخەکەمان دەکرد
گوڵی خۆشەویستیمان پێشکەشی یەکتر دەکرد....

بیرم کردی .....

لەگەرمترین رۆژی گەرمای هاویندا
چون لەو ساتانەدا کۆڵانی ماڵی ئێوە خامۆش و بێ دەنگ بوون
من و تۆش لە ژێر سێبەری دارەکاندا ژووانمان دەبەست....

ئێستا زانیت بۆچی من لە هەموو وەرزەکانی ساڵدا
بیری تۆ دەکەم .......؟؟؟

چون گەڵای دارەکان گەرانەوە تۆ نەگەرایتەوە..

بارانەکانی ئاسمان گەرانەوە تۆ نەگەرایتەوە..

گوڵی باخەکانیش گەرانەوە تۆ هەر نەگەرایتەوە..

گەرمای هاوینانیش گەرانەوە تۆ هەر نەگەرایتەوە..

من لەگەڵ هەموو ئەوانەدا یادگاریم هەیە لەگەڵ تۆ.

یادگاریەکانیش هەمیشە زەنگی

بیر هێنانەوەی تۆم بۆ لێدەدەن.....

......

نوسینی :: ئاراس نامق (یادگار)...

بەشێک لە قەسیدەی (( هەستی ناخێک))..