❤❤یـــانەی کوردژیـن/Kurd Zhin❤❤/ / پاشا و چوار ژنه‌كه‌ی

.



نازناو:  وشه‌ی تێپه‌ڕبوون:  ‌  |  

ئاگاداری

‌‌‌‌‌‌‌‌‌‌‌‌‌‌‌‌‌‌‌‌‌‌‌‌به‌ڕێزان : هه‌رکاتێک کێشه‌یه‌ک یان په‌یامێکی ناشیاوت به‌رچاو که‌وت له‌یانه‌دا ئه‌توانن په‌یوه‌ندی بکه‌ن به‌ :_

1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) .. ژمارەی مۆبایل ( 07812539505 ) .

2- به‌ڕێوه‌به‌ری گشتی ( ReKaN ) له‌ ئه‌وروپا به‌ ئیمێڵی ( Rekan_uk@hotmail.com ) ، ژماره‌ ته‌له‌فوونی( 00447754007706) .

New Page 1

    بابه‌ته‌ گرنگه‌کانی به‌کارهێنانی یانه‌  



#1 2008-05-22 16:56:24

darwnae
کازیوەی یانە
شوێن: NoRwAy
ڕێكه‌وتی به‌ ئه‌ندامبوون‌: 2008-04-17
دواترین سه‌ردان: 2013-09-05
په‌یامه‌كان: 2215

پاشا و چوار ژنه‌كه‌ی

      ده‌ڵێن: له‌سه‌رده‌می دێرینا پاشایه‌ك چوار ژنی هه‌بووه‌، و ژنی چواره‌میانی زۆر خۆش ویستووه‌، و ئه‌وه‌ی له‌توانایا بوبێت بۆی ئه‌نجام داوه‌، تا دڵی به‌ده‌ست بێنێ، و زیاتر رازی بكات..
ژنی سێ هه‌میشی خۆش ده‌ویست، به‌لاَم هه‌ندێ جار هه‌ستی ده‌كرد كه‌ له‌وانه‌یه‌ بۆ خه‌ڵكی تر واز له‌م بێنێ..
ژنی دووه‌م هه‌میشه‌ گوێی رایه‌ڵی بووه‌، و له‌كاتی لێقه‌ومانا له‌لای ئاماده‌ ‌بووه‌، و له‌وجۆره‌ ئافره‌تانه‌ بووه‌ كه‌له‌كاتی ته‌نگانه‌دا ئینسان په‌نایان پێ ده‌بات..
به‌لاَم ژنی یه‌كه‌می به‌ته‌واوی وێل كردبوو، نه‌ چاودێری ده‌كرد و نه‌ مافه‌كانی به‌جێ ده‌هێنا، و زۆر به‌ده‌گمه‌ن سه‌ری لێ ده‌دا، و له‌ته‌ك ئه‌وه‌دا ئه‌و ئه‌می زۆر خۆش ده‌ویست، و ده‌ورێكی گه‌وره‌ی له‌ پاراستنی ماڵ و سامان و ده‌سه‌لاَتیا هه‌بوو..
# # #


پاشا نه‌خۆش ده‌كه‌وێت و هه‌ست به‌وه‌ده‌كات كه‌ ئه‌جه‌لی نزیك بوه‌ته‌وه‌، بۆيه بییرێك له‌خۆی ده‌كاته‌وه‌ و ده‌ڵێت : تۆ بڵێیت ئه‌گه‌ر من بمرم هیچ كام له‌م ژنانه‌ بێت له‌ته‌كما؟

یه‌كه‌مجار ده‌نێری به‌شوێن ژنی چواره‌میا كه‌ له‌هه‌موویانی خۆشتر ده‌ویست، و پێی ده‌ڵێت: خۆت ده‌زانی من تۆم له‌هه‌موو خێزانه‌كانی ترم خۆشتر ده‌وێت، وهه‌ر ئاره‌زوویه‌كت بووبێت بۆم جێبه‌جێ كردوویت، و هه‌رداخوازییه‌كت بووبێت بێ دڵیم نه‌‌كردوویت، وا منیش له‌سه‌ر ده‌روازه‌ی مردندام و ئه‌رِۆم تۆ ده‌توانی چیم له‌ته‌كا بكه‌یت؟ ئایا رازی ده‌بیت بێی له‌ته‌كما بۆ ناو گۆڕ تا له‌ویش به‌بێ تۆ نه‌بم، و هاونشینی گۆڕم بیت؟

ئه‌ویش پێی ده‌ڵێت: شتی وا موسته‌حیله‌.. یه‌كسه‌ر به‌جێی دێڵێت و ده‌روات بێ ئه‌وه‌ی داوای ئیجازه‌شی لێ بكات، و بێ ئه‌وه‌ی هیچ سۆز و به‌زه‌ییه‌كی به‌ هاوه‌ڵه‌ خۆشه‌ویسته‌كه‌یا ببێته‌وه‌..

ده‌نێری به‌شوێن ژنی سێ هه‌میا ، و پێی ده‌ڵێت: خۆت ده‌زانی به‌درێژایی ژیانم من تۆم خۆش ویستووه‌، و ئێستاش من ده‌مه‌وێ بڕۆم ئایا له‌ته‌كما دێیت بۆ ناو گۆڕ؟
ئه‌ویش پێی ده‌ڵێت: بۆچ خوا شێتی كردووم؟ نه‌وه‌ڵلا نایه‌م، ژیان خۆشه‌ویسته‌، و هه‌ر تۆ مردیت شوو به‌یه‌كێكی تر ده‌كه‌م!!

ده‌نێری به‌شوێن ژنی دووهه‌میا، و پێی ده‌ڵێت: خۆت ده‌زانی هه‌ركاتێ ته‌نگانه‌یه‌كم ببوایه‌ په‌نام پێ ده‌هێنایت، وپرس و رام پێ ده‌كردیت، زۆر جاریش له‌پێناو منا قوربانیت داوه‌، و یارمه‌تی زۆریشت داوم، ئایا ئه‌گه‌ر مردم دێیت له‌ته‌كما بۆ ناو گۆڕ؟

ئه‌ویش پێی ده‌ڵێت: داوای لێبوردن ده‌كه‌م، كه‌ناتوانم داخوازییه‌كه‌ت جێبه‌جێ بكه‌م، به‌لاَم بێگومان ئه‌گه‌ر ئاسته‌نگێك نه‌بێت تا سه‌ر لێواری گۆڕه‌كه‌ت دێم له‌ته‌كتا..

پاشا زۆر خه‌مگین ده‌بێت، كه‌ ژنه‌كانی رێزی ئه‌و هه‌موو دۆستایه‌تی وخۆشه‌ویستییه‌یان نه‌گرت، و ئاوه‌ها له‌وكاتی ته‌نگانه‌یه‌دا به‌جێیان هێشت..

ده‌نێری به‌شوێن ژنی یه‌كه‌میا، و پێی ده‌ڵێت: خۆت ده‌زانی من له‌گه‌ڵ تۆدا زۆر كه‌م خوڵك بووم و زۆر بێ موبالات بووم و بایه‌خێكی ئه‌وتۆم پێ نه‌ده‌دایت، وله‌تاو خه‌م و خه‌فه‌تا وه‌زعت به‌وحاڵه‌ گه‌یشت كه‌ تیایت، و ئه‌وه‌ته‌ زۆر له‌ڕ و لاواز و بێهێز بوویت.. داوای لێ بوردنت لێ ده‌كه‌م له‌و هه‌موو كه‌مته‌ر خه‌مییه‌ی من به‌رامبه‌رت.. حه‌زم كرد رای تۆش بزانم.. من ده‌مه‌وێ بڕۆم ومردن هاتۆته‌ ده‌رگام، و ده‌یه‌وێت بم بات، ئایا تۆ دێیت له‌ته‌كما؟

ئه‌میش پێی ده‌ڵێت: بێگومان من به‌ره‌لاَت ناكه‌م، ولێت جیا نابمه‌وه‌، دێم له‌ته‌كتا.. بۆ ناو گۆرِ، بۆ ساحه‌ی مه‌حشه‌ر، بۆ سه‌ر پردی په‌ڕینه‌وه‌.. تا ده‌چیته‌ یه‌كێك له‌و دوو خانووه‌ی بۆ خه‌ڵك دیاریكراوه‌..

پاشا ده‌ڵێت: به‌راستی من په‌شیمانم له‌و هه‌ڵس و كه‌وتانه‌ی له‌گه‌ڵ تۆدا ئه‌نجامم ده‌دا، بڕیاربێ ئه‌گه‌ر چاك بوومه‌وه‌ و گه‌ڕامه‌وه‌ حاڵی جارانم له‌هه‌موویان زیاتر بایه‌خ به‌تۆ بده‌م..!!
# # #

دۆستانی خۆشه‌ویست له‌راستیدا هه‌ر یه‌كێك له‌ئێمه‌ چوار ژنی هه‌یه‌:
ژنی چواره‌م: بریتییه‌ له‌ له‌ش وجوسته‌مان.. تا ده‌توانين بایه‌خی پێ ده‌ده‌ین، و ئاره‌زووه‌كانی به‌جێ دێنین، له‌گه‌ڵ مردیشين لێمان جیا ده‌بێته‌وه‌و به‌جیمان دێڵێ..

ژنی سێ هه‌م بریتییه‌ له‌ ماڵ و سامانمان، كاتێ مردین یه‌كسه‌ر له‌ ئێمه‌ جیاده‌بێته‌وه‌، و ده‌ڕواته‌ ده‌ستی خه‌ڵكی تره‌وه‌..

ژنی دووه‌م بریتییه‌ له‌ كه‌س وكار و دۆست و براده‌ران.. هه‌رچه‌ند قوربانی له‌پێناومانا بده‌ن، و دڵسۆزبن بۆ مان، له‌وه‌ زیاتر كه‌ بمان گه‌یه‌ننه‌ سه‌ر لێواری گۆڕه‌كه‌ چاوه‌ڕوانی تریان لێناكرێت.

ژنی یه‌كه‌میش بریتییه‌ له‌ كرده‌وه‌ چاكه‌ كانمان، كه‌هه‌میشه‌ پشتگوێمان خستوون، و بایه‌خیان پێ ناده‌ین، هه‌مووشتێكی ترمان لێ خستۆته‌ پێشه‌وه‌، رابواردن وئاره‌زووه‌كان، و سامان پێكه‌وه‌نان، دۆست و براده‌ر وخزم و كه‌س وكار.. له‌گه‌ڵ ئه‌وه‌دا ته‌نیا كرده‌وه‌كانمانه‌ كه‌ دێت له‌ته‌كمانا بۆ ناو گۆڕ..
# # #

دۆستان! ئه‌م نواندنه‌ واقیعی ئێمه‌ پیشان ده‌دات؟ توخوا ئه‌گه‌ر كرده‌وه‌كانمان له‌شێوه‌ی مرۆڤێكا به‌رجه‌سته‌بكرێن، ده‌بێ شكڵ و قه‌واره‌یان چۆن بێ؟ ئایا له‌چاو ئه‌وانی ترا بێهێز و لاواز و بایه‌خ پێ نه‌دراو نا‌نوێنن؟!
كه‌وابوو تۆیش له‌ته‌كما بڵێ خوایه‌ به‌ سه‌ر ده‌روونمانا زاڵمان بكه‌یت، تا بتوانیین وه‌ك پێویست فه‌رمانبه‌رداریت بكه‌ین،و به‌نده‌یه‌كی چاك وپاك بین.

خوایه‌! له‌گوناهی خۆمان و باوك ودایكمان خۆش ببه‌، و له‌ئازاری گۆڕ و سزای دۆزه‌خ بمان پارێزه‌، و به به‌هه‌شتی به‌رینمان شادبكه‌..

__________
(#) براده‌رێك ئه‌م نواندنه‌ی به‌ ئێمێلێكدا بۆ ناردبووم وامنیش به‌كه‌مێ ده‌ستكارییه‌وه‌ وه‌رم گێڕاو پێشكه‌شم كردن..

 
 

mamosta       hasan     penjweny

Kurdzhin

  خۆشت بووێم یان ڕقت لێم بێت هەردووکیان بۆمن باشترینن...
گەر خۆشت بووێم هەمیشە لە دڵتا ئەبم
گەر ڕقت لێم بێت هەمیشە لە خەیاڵتا ئەبم ..
شکسپیر
 
 

 

له‌سه‌ر هێڵ نی‌یه‌‌

 


#2 2008-05-22 17:43:01

kwri_sulaimany
ئه‌ندامی چالاک
شوێن: Norway - Kristyan sun
ڕێكه‌وتی به‌ ئه‌ندامبوون‌: 2008-04-21
دواترین سه‌ردان: 2011-07-12
په‌یامه‌كان: 211
ویبگه‌

Re: پاشا و چوار ژنه‌كه‌ی

dastt xosh darwnae gyan sarkawtw bit

له‌سه‌ر هێڵ نی‌یه‌‌

 


#3 2008-05-22 18:07:42

darwnae
کازیوەی یانە
شوێن: NoRwAy
ڕێكه‌وتی به‌ ئه‌ندامبوون‌: 2008-04-17
دواترین سه‌ردان: 2013-09-05
په‌یامه‌كان: 2215

Re: پاشا و چوار ژنه‌كه‌ی

     دەست خۆش هاوڕێم بۆپەیامە کانت ... کوری سلێمانی
   

له‌سه‌ر هێڵ نی‌یه‌‌

 


خوارووی مه‌كۆ

Your IP Address : 216.73.216.104
Powered by PunBB 1.2.15
© Copyright 2007 – 2011
Translated By : Webchin.Org
Design And Style By : Kurdzhin.net