❤❤یـــانەی کوردژیـن/Kurd Zhin❤❤/ / چۆنیه‌تی گواستنه‌وه‌ی ماڵپه‌ڕێك له‌ ڕاژه‌كارێكه‌وه‌ بۆ ڕاژه‌كارێكی دیكه‌.

.



نازناو:  وشه‌ی تێپه‌ڕبوون:  ‌  |  

ئاگاداری

‌‌‌‌‌‌‌‌‌‌‌‌‌‌‌‌‌‌‌‌‌‌‌‌به‌ڕێزان : هه‌رکاتێک کێشه‌یه‌ک یان په‌یامێکی ناشیاوت به‌رچاو که‌وت له‌یانه‌دا ئه‌توانن په‌یوه‌ندی بکه‌ن به‌ :_

1- بەڕێوەبەری یانە Hemn Zanko لە کوردستان بە ئمێڵی ( hemn_kurdzhin@yahoo.com ) .. ژمارەی مۆبایل ( 07812539505 ) .

2- به‌ڕێوه‌به‌ری گشتی ( ReKaN ) له‌ ئه‌وروپا به‌ ئیمێڵی ( Rekan_uk@hotmail.com ) ، ژماره‌ ته‌له‌فوونی( 00447754007706) .

New Page 1

    بابه‌ته‌ گرنگه‌کانی به‌کارهێنانی یانه‌  

  •  » وێب داڕشتن به‌ گشتی
  •  » چۆنیه‌تی گواستنه‌وه‌ی ماڵپه‌ڕێك له‌ ڕاژه‌كارێكه‌وه‌ بۆ ڕاژه‌كارێكی دیكه‌.


#1 2011-04-21 12:09:57

Danger~Boy
جوانی کوردژین
شوێن: دەربەندیخان
ڕێكه‌وتی به‌ ئه‌ندامبوون‌: 2011-03-02
دواترین سه‌ردان: 2011-08-30
په‌یامه‌كان: 742
WindowsFirefox

چۆنیه‌تی گواستنه‌وه‌ی ماڵپه‌ڕێك له‌ ڕاژه‌كارێكه‌وه‌ بۆ ڕاژه‌كارێكی دیكه‌.

سڵاو،
زۆرتر له‌ جارێك بینیوومه‌ كه‌ پرسیار له‌سه‌ر ئه‌وه‌ نووسراوه‌ چۆن ماڵپه‌ڕێك له‌ ڕاژه‌كارێكه‌وه‌ ده‌گوێزرێته‌وه‌ بۆ ڕاژه‌كارێكی دیكه‌، هه‌رچه‌ند له‌ زۆر شوێنه‌كاندا چاره‌سه‌ری و چۆنیه‌تی جێبه‌جێ كردن نووسراوه‌، به‌ڵام بۆ هه‌موو كه‌س ڕوون نه‌بووه‌.
له‌م بابه‌ته‌دا چۆنیه‌تی گواستنه‌وه‌ی ماڵپه‌ڕێك له‌ ڕاژه‌كارێكه‌وه‌ بۆ راژه‌كارێكی دیكه‌ شی ده‌كه‌مه‌وه‌ به‌ هه‌موو هه‌نگاو و ورده‌ كارییه‌ په‌یوه‌ندیداره‌كان.

ئه‌م بابه‌ته‌ له‌سه‌ر ماڵپه‌ڕێك جێبه‌جێ ده‌كرێت كه‌ به‌ زمانی PHP داڕێژراوه‌ و پشت به‌سته‌ به‌ MySQL بۆ پاشه‌كه‌وت كردنی زانیارییه‌كان له‌ بنكه‌ی دراوه‌دا، كه‌ پرۆگرامۆكه‌ی PunBB ـه‌.
هه‌مان هه‌نگاو ده‌كرێت له‌سه‌ر هه‌ر ماڵپه‌ڕێكی دیكه‌ جێبه‌جی بكرێت و مه‌رج نیه‌ ته‌نیا له‌سه‌ر ماڵپه‌ڕێكی پشت به‌ست به‌ PunBB جێبه‌جێ بكرێت.

له‌ بابه‌ته‌كه‌دا چۆنیه‌تی گواستنه‌وه‌ی ماڵپه‌ڕی یه‌كه‌م كه‌ test1.webchin.org ـه‌ شی ده‌كه‌مه‌وه‌ بۆ ماڵپه‌ڕی دووه‌م كه‌ test1.webchin.net ـه‌. (وه‌ك نموونه‌).
بۆ جێبه‌جێ كردنی ئه‌و كارانه‌ پێویستت به‌م ئامرازانه‌ ده‌بێت،
١، زانیاری چوونه‌ژووره‌وه‌ بۆ ڕاژه‌كاری FTP ی هه‌ردوو ماڵپه‌ڕه‌كه‌ و پرۆگرامێك كه‌ په‌یوه‌ندییه‌كه‌ درووست بكات، پێشنیاری FileZilla ده‌كه‌م.
ده‌توانی لێره‌ FileZilla دابگریت،


په‌ڕگه‌ی FileZilla_3.0.8.1_win32-setup.exe دابگره‌.

٢، زانیاری چوونه‌ژووره‌وه‌ بۆ PhpMyAdmin، له‌ هه‌ردوولا، بۆ ئه‌وه‌ی بتوانی بنكه‌ی دراوه‌ی MySQL پاشه‌كه‌وت بكه‌یت و دواتر له‌ ماڵپه‌ڕی دووه‌م دا بیگه‌ڕێنیته‌وه‌/ Import ی بكه‌یت.

هه‌نگاوه‌كان،
١، به‌ پرۆگرامی FileZilla بچۆژووره‌وه‌ بۆ نێو ڕاژه‌كاری FTP ماڵپه‌ڕه‌كه‌ت، بۆ من لێره‌ ده‌بێته‌ ڕاژه‌كاری تایبه‌ت به‌ test1.webchin.org.
٢، پاش چوونه‌ژووره‌وه‌ هه‌موو په‌ڕگه‌كانی دابگره‌ نێو بوخچه‌یه‌كی خاوێن له‌سه‌ر كۆمپیوته‌ره‌كه‌ت،

http://aso.naderi.googlepages.com/transfer_a_website_1.gif

به‌شی دووه‌م له‌ هه‌نگاوی یه‌كه‌م،
١، بچۆ ژووره‌وه‌ بۆ نێو PhpMyAdmin، (تكایه‌ لێره‌ مه‌پرسه‌ كه‌ چۆن ئه‌و كاره‌ بكه‌یت، په‌یوه‌ندی به‌و شوێنه‌وه‌ بكه‌ كه‌ ماڵپه‌ڕت لێ كڕیوون یان درووستت كردووه‌، یان زانیارییه‌كانی نێو ماڵپه‌ڕه‌كه‌یان بخوێنه‌وه‌ بۆ ئه‌وه‌ی ڕوون بێته‌وه‌ كه‌ چۆن ئه‌و كاره‌ ده‌كه‌یت).
پاش چوونه‌ژووره‌وه‌ بۆ نێو PhpMyAdmin، (لێره‌ مه‌به‌ستمان له‌ هی test1.webchin.org ـه‌). ده‌بێ شتێكی وه‌ك ئه‌مه‌ ببینیت،

http://aso.naderi.googlepages.com/transfer_a_website_2.gif

له‌و شوێنه‌ی كه‌ نووسراوه‌ Databases، بنكه‌ی دراوه‌ی تایبه‌ت به‌ ماڵپه‌ڕه‌كه‌ت (سكریپتی PunBB) بدۆزه‌وه‌ و كرته‌ی لێبكه‌.
له‌ به‌شی چه‌پدا خانه‌كانی نێو بنكه‌ی دراوه‌ی تایبه‌ت به‌ PunBB ده‌رده‌كه‌ون، له‌ به‌شه‌كه‌ی دیكه‌ خانه‌كان دووباره‌ ده‌رده‌كه‌ونه‌وه‌ له‌گه‌ڵ كۆمه‌ڵێك ئامراز بۆ جێبه‌جێ كردنی فرمانی جیاواز،

http://aso.naderi.googlepages.com/transfer_a_website_3.gif

له‌ سه‌ره‌وه‌ كرته‌ له‌ Export بكه‌ بۆ ئه‌وه‌ی هه‌موو زانیارییه‌كانی نێو بنكه‌ی دراوه‌ وه‌ك په‌ڕگه‌یه‌كی sql. پاشه‌كه‌وت بكه‌یت و دواتر له‌ نێو ماڵپه‌ڕی test1.webchin.net دا Import ی بكه‌ینه‌وه‌.
له‌ په‌ڕه‌ی تایبه‌ت به‌ Export كردندا وه‌ك وێنه‌ی خواره‌وه‌ ناوی هه‌موو خشته‌كان شین بكه‌ و هه‌روه‌ها Save As File هه‌ڵبژێره‌،

http://aso.naderi.googlepages.com/transfer_a_website_4.gif

دواتر كرته‌ له‌ GO بكه‌ له‌ خواره‌وه‌ و په‌ڕگه‌كه‌ پاشه‌كه‌وت بكه‌.

به‌و هه‌نگاوانه‌ی سه‌ره‌وه‌ ده‌بێت هه‌موو شته‌كانی نێو ماڵپه‌ڕی یه‌كه‌مت له‌ نێو كۆمپیوته‌ری خۆت پاشه‌كه‌وت كردبێت و ئاماده‌ی ئه‌وه‌بن كه‌ بیانگوازیته‌وه‌ نێو ماڵپه‌ڕی دووه‌م.

هه‌نگاوی یه‌كه‌م له‌ Import كردنی په‌ڕگه‌ و داتاكان بۆ نێو ماڵپه‌ڕی دووه‌م.

١، به‌ پێچه‌وانه‌ی هه‌نگاوی یه‌كه‌م له‌سه‌ره‌وه‌، واته‌ له‌باتی ئه‌وه‌ی په‌ڕگه‌كان دابگریته‌ نێو كۆمپیوته‌ری خۆت، له‌ كۆمپیوته‌ری خۆته‌وه‌ باری بكه‌ نێو ماڵپه‌ڕی دووه‌م.

٢، به‌ هه‌مان شێوه‌ی سه‌ره‌وه‌ بچۆژووره‌وه‌ بۆ نێو PhpMyAdmin له‌ ماڵپه‌ڕی دووه‌م، كرته‌ له‌و بنكه‌ی دراوه‌ بكه‌ كه‌ ده‌ته‌وێ به‌كاری ببه‌یت بۆ ماڵپه‌ڕه‌كه‌ت (مه‌رج نیه‌ هه‌مان ناوی هه‌بێت وه‌ك ماڵپه‌ڕی یه‌كه‌م، به‌ڵام ئه‌گه‌ر هه‌مان ناوی هه‌بێت باشتره‌ و كاره‌كه‌ ئاسانتر ده‌كاته‌وه‌).
پاش كرته‌ كرد، له‌ به‌شی ڕاستدا كرته‌ له‌ Import بكه‌،

http://aso.naderi.googlepages.com/transfer_a_website_5.gif

په‌ڕه‌كه‌ وه‌ك شێوازی خواره‌وه‌ی لێدێت،

http://aso.naderi.googlepages.com/transfer_a_website_6.gif

كرته‌ له‌ Brwose بكه‌ و ئه‌و په‌ڕگه‌ی sql. ـه‌ هه‌ڵبژێره‌ كه‌ له‌ سه‌ره‌وه‌ له‌ PhpMyAdmin ی ماڵپه‌ڕی یه‌كه‌م درووستت كرد و پاشه‌كه‌وتت كرد له‌ نێو كۆمپیوته‌ری خۆت.
دواتر كرته‌ له‌ Go بكه‌.

ئه‌گه‌ر هه‌نگاوه‌كانت به‌ درووستی جێبه‌جێ كردبێت ده‌بێ Import كردن به‌ سه‌ركه‌وتوویی كۆتایی پێبێت و ئه‌م په‌یامه‌ ببینیت،

http://aso.naderi.googlepages.com/transfer_a_website_7.gif

گواستنه‌وه‌ی ماڵپه‌ڕێك له‌ ڕاژه‌كارێكه‌وه‌ بۆ یه‌كێكی دیكه‌ له‌و هه‌نگاوانه‌ زۆرتری پێویست نیه‌، له‌وانه‌یه‌ پێویست بكات Base URL ی تایبه‌ت به‌ مه‌كۆكانت بگۆڕیت، تكایه‌ هه‌نگاوه‌كانی خواره‌وه‌ جێبه‌جێ بكه‌،
كرته‌ له‌ ناوی خشه‌ی config بكه‌،

http://aso.naderi.googlepages.com/transfer_a_website_8.gif

دواتر له‌سه‌ره‌وه‌ كرته‌ له‌ Browse بكه‌،
له‌ ته‌نیشت دووگمه‌ی Show ژماره‌ی ٣٠ نووسراوه‌، بیگۆڕه‌ بۆ ٦٠ و دواتر په‌نجه‌ به‌ دووگمه‌ی Enter بنێ له‌سه‌ر ته‌خته‌كلیل، (یان ده‌توانی كرته‌ له‌سه‌ر دووگمه‌كانی Pagination بكه‌یت بۆ چوون بۆ په‌ڕه‌ی داهاتوو مه‌به‌ستم له‌ دووگمه‌ی < ـه‌.)
خانه‌ی تایبه‌ت به‌ Base URL بدۆزه‌وه‌ و كرته‌ له‌ پێنووسی ته‌نیشی بكه‌،

http://aso.naderi.googlepages.com/transfer_a_website_9.gif

به‌سته‌ره‌كه‌ی بگۆڕۆ بۆ هی ماڵپه‌ڕه‌ نوێكه‌ت و دواتر كرته‌ له‌ Go بكه‌.

له‌ ڕێی پرۆگرامی FTP ـه‌وه‌ هه‌موو شته‌كانی نێو بوخچه‌ی Cache بسڕه‌وه‌ (له‌ نێو ماڵپه‌ڕه‌ نوێكه‌).

هیوادارم بێ كێشه‌ بن.
كۆتایی.
ئامادەکردنی : ئاسۆ نادری
سەرچاوە : وێبچین

دواترین جار ده‌ستكاری كراوه‌ له‌لایه‌ن sivan muhamad (2011-04-21 13:01:46)

Kurdzhin


http://www.kurdup.com/uploads/e2729f0949.gif

له‌سه‌ر هێڵ نی‌یه‌‌

 


#2 2011-04-21 12:21:53

ReKaN
به‌ڕێوه‌به‌ری گشتی
United Kingdom
Kurdzhin: barewabarayaty
شوێن: به‌ریتانیا-لندن
ڕێكه‌وتی به‌ ئه‌ندامبوون‌: 2007-07-07
دواترین سه‌ردان: 2026-01-05
په‌یامه‌كان: 1475
ویبگه‌
WindowsFirefox

Re: چۆنیه‌تی گواستنه‌وه‌ی ماڵپه‌ڕێك له‌ ڕاژه‌كارێكه‌وه‌ بۆ ڕاژه‌كارێكی دیكه‌.

ده‌ستخۆش کاک سیڤان تکایه‌ ئاماژه‌ به‌ ناوی ئاماده‌کاری بابه‌ت بده‌ ، گه‌ر هه‌ڵه‌ نه‌بم کاک ئاسۆ نادری‌یه‌ تکایه‌ بۆی زیاد بکه.

Kurdzhin
گه‌ر ئه‌و كه‌سه‌ی ئه‌لفێكت به‌سه‌ هه‌ست ده‌كه‌یت كه‌ کوردژین ته‌نها بۆ خزمه‌تی تۆیه،،‌،‌
كه‌واته.......((سه‌ربه‌ستی له‌ جوڵانه‌وه‌ ))

له‌سه‌ر هێڵ نی‌یه‌‌

 


#3 2011-04-21 13:01:00

Danger~Boy
جوانی کوردژین
شوێن: دەربەندیخان
ڕێكه‌وتی به‌ ئه‌ندامبوون‌: 2011-03-02
دواترین سه‌ردان: 2011-08-30
په‌یامه‌كان: 742
WindowsFirefox

Re: چۆنیه‌تی گواستنه‌وه‌ی ماڵپه‌ڕێك له‌ ڕاژه‌كارێكه‌وه‌ بۆ ڕاژه‌كارێكی دیكه‌.

سوپاس کاک ڕێکان وایە ئاسۆ نادری ئامادەی کردوە ئەوە چاکم کرد

له‌سه‌ر هێڵ نی‌یه‌‌

 
  •  » وێب داڕشتن به‌ گشتی
  •  » چۆنیه‌تی گواستنه‌وه‌ی ماڵپه‌ڕێك له‌ ڕاژه‌كارێكه‌وه‌ بۆ ڕاژه‌كارێكی دیكه‌.


خوارووی مه‌كۆ

Your IP Address : 216.73.216.104
Powered by PunBB 1.2.15
© Copyright 2007 – 2011
Translated By : Webchin.Org
Design And Style By : Kurdzhin.net